日本人對種植農作物有好大嘅熱誠，佢哋憑住經驗將成長唔到大器嘅果子砍掉，將養分留俾有潛質嘅，就係大家都聽過嘅「一樹一果」。靜岡蜜瓜就係喺咁嘅環境之下成長，非常矜貴，成為優質水果，當之無愧。

日本靜岡蜜瓜 (簡稱為靜岡瓜) 嘅平均甜度係 18 度，清甜但係不膩喉，質感比普通蜜瓜較軟，多汁。

溫馨提示：如果 T 字型藤梗掟挺直，即係個蜜瓜需要等多少少時間先至啱食

宮崎縣陽光同雨水充足，非常適合種植芒果。農民喺 80 年代已經開始嘗試種植芒果，經過多年努力，開發咗一種種植芒果嘅獨特方法- Net Harvesting，即係網起未熟嘅芒果，等熟嘅時候唔會跌落地 (相傳樹上熟跌落地嘅芒果係最美味) 。

咁有創意嘅種植方法，令到日本宮崎縣出產完熟芒果：
果肉金黃柔軟
纖維幼細，冇渣
鮮甜多汁
平均甜度係 13 度
有濃厚嘅芒果氣味
果皮色澤艷麗，大半呈紅色 (紅寶石的紅)

日本宮崎縣嘅完熟芒果係經過好嚴謹嘅品質控制，檢查包括大小、重量、形狀、顏色、甜度等，合格後再用人手逐個包裝先至出口。