宮崎縣陽光同雨水充足，非常適合種植芒果。農民喺 80 年代已經開始嘗試種植芒果，經過多年努力，開發咗一種種植芒果嘅獨特方法- Net Harvesting，即係網起未熟嘅芒果，等熟嘅時候唔會跌落地 (相傳樹上熟跌落地嘅芒果係最美味)。

咁有創意嘅種植方法，令到日本宮崎縣出產完熟芒果：
果肉金黃柔軟
纖維幼細，冇渣
鮮甜多汁
平均甜度係 13 度
有濃厚嘅芒果氣味
果皮色澤艷麗，大半呈紅色 (紅寶石的紅)

日本宮崎縣嘅完熟芒果係經過好嚴謹嘅品質控制，檢查包括大小、重量、形狀、顏色、甜度等，合格後再用人手逐個包裝先至出口。

日本長崎縣特級枇杷帶有梨及桃嘅甜味，甜度均衡，酸度低，果皮光滑，可以連皮食。枇杷係長崎縣嘅特產，含豐富維他命 C、A、K、E、鈣、鋅、等，能幫助降低膽固醇、消化不良、明目、哮喘、增強免疫力。